ہرانسان کوزندگی میں کبھی نہ کبھی کسی پیرکامل کی ضرورت پڑتی ہے۔کبھی نہ کبھی انسانی زندگی اس موڑپرآکرضرورکھڑی ہوجاتی ہےجب یہ لگتاہےکہ ہمارےلبوں اوردل سےنکلنےوالی دعائیں بےاثرہوگئ ہیں۔ہمارےسجدےاورہمارےپھیلےہوۓہاتھہ رحمتوں اورنعمتوں کواپنی طرف موڑنہیں پارہے۔یوں لگتاہے  جیسےکوئی تعلق تھاجوٹوٹ گیاہےپھرآدمی کادل چاہتاہےاب اس  کےلیےکوئی اورہاتھہ اٹھاۓ،کسی اورکےلب اس کی دعااللہ تک پہنچائیں،کوئی اور اللہ کےسامنےاس  کےلیےگڑگڑاۓ، کوئی ایسا شخص جسکی دعائیں قبول ہوتی ہوں،جس کےلبوںسےنکلنےوالی التجائیں اس کےاپنےلفظوں کی طرح واپس نہ موڑدی جاتی ہوں پھرانسان پیرکامل کی تلاش کرتاہے،بھاگتاپھرتاہےدنیامیں کسی ایے شخص کےلیےجوکاملیت کی کسی نہ کسی سیڑھی پرکھڑاہو۔

پیر کامل کی یہ تلاش انسانی زندگی کےارتقاسےاب تک جاری ہے۔ یہ تلاش وہ خواہش ہےجواللہ جودانسان کےدل میں پیداکرتاہے انسان کےدل میں یہ خواہش نہ اتاری جاتی تووہ پیغمبروں پرکبھی یقین نہ لاتا۔کبھی ان کی پیروی اوراطاعت کرنےکی کوشش نہ کرتا۔پیرکامل کی یہ تلاش ہی انسان کوہرزمانےمیں اتارےجانے والےپیغمبروں کی طرف لےجاتی رہی پھرپیغمبروں کی مبعوثیت کایہ سلسلہ حضرت محمدۖ کےساتھہ ختم کردیاگیا۔آپۖ کی امت کے لۓآپۖ کےبعد کسی اورپیرکامل کی گنجائش نہیں رکھی گئ۔