ہم کہاں کےسچےتھے

"ہم کہاں کےسچےتھے"میراپہلاناول تھاجس نےکرن میں اپنی اشاعت کےساتھہ مجھےفوری طورپرمقبولیت دلوائی۔ اگرچہ میرے بعدمیں آنےوالےموڑکےبرعکس اس میں بہت زیادہ سنجیدہ قسم کےموضوعات شامل نہیں ہیں۔اور یہ ڈائجسٹ میں شائع ہونے والےپاپولرفکشن کی ایک اچھی مثال ہے۔اس ناول کوکتابی شکل میں لانےمیں مجھےبہت تامل تھا۔مگرٹی وی کےلیےلکھناشروع کرنےکےبعدجن کہانیوں کی ڈرامائی تشکیل کےلیےمجھہ سےکہا جارہاہےان میں ایک یہ ناول بھی ہے۔کیوں کہ ٹی وی کےمیڈیم پر ایسی کہانیاں ناظرین میں فوری مقبولیت حاصل کرتی ہیں۔"ہم کہاں کےسچےتھے"کوکتابی شکل میں آپ کےسامنےلانےکی وجہ اسے ٹی وی سکرین سےپہلےآپ تک پہنچانےکی خوائش ہے۔

ہلال جرات بلاشبہ اب تک لکھے جانےوالےمیرےافسانوں میں سب سےبہترین افسانہ ہےاسے حاصل ہونےوالی پسندیدگی نے میرےاس خیال کی تصدیق کی ہے۔

"بند کواڑوں کےآگے"کسی بھی ڈائجسٹ میں شا‏ئع ہونےوالی میری پہلی کہانی ہے۔جسےمیں نےایک سچےواقعےسےمتاثرہوکر لکھا۔

"پتہ ہےمشعل تم میں سب سےبڑی خوبی کیاہےجس نےمجھے یوں تمہارااسیرکررکھاہے؟"

میری بات پراس کی آنکھیں ستاروں کی طرح جگمگا اٹھی تھیں۔

"نہیں میں نہیں جانتی تم بتاؤ۔"

اس نےاپنی خوبصورت آوازمیں کہاتھا۔

"یہ تمہاری ظاہری خوبصورتی نہیں ہے۔ظاہری خوبصورتی بہت دیکھی ہےمیں نےاوراتنی دیکھی ہےکہ تم اس کےسامنےکچھہ بھی نہیں ہو۔نہ تمہاری کسی اورچیزنےمجھےمتاثرکیاہے۔یہ تو بس تمہاراسچ ہےجومجھےجیت گیاہے۔تمہاری اسٹریٹ فارورڈنیس، تمہاری بولڈنیس، یہ وہ چیزیں ہیں جنھوں نےمجھےمسحورکردیا ہےکیونکہ یہ ہرلڑکی میں نہیں ہوتیں اورخوبصورتی توبہت سی لڑکیوں میں پائی جاتی ہے۔"