دیباچہ

جرمن فلسفی کانٹ کا کہنا ہے- ہر فریضہ کو خدائی حکم سمجھنا "مذہب" ہے- ولیم جیمز کا کہنا ہے،انسان کا ایک غیر مرئی نظام کے ساتھ اپنا تعلق جوڑنا "مذہب" ہے ۔

شوپنہار کہتا ہے کہ "مذہب" موت کے تصور سے پیدا ہوتا ہے ۔

پروفیسر وہائٹ ہیڈ کا کہنا ہے- "مذہب" اعتقاد کی اس قوت کا نام ہے جس سے انسان کی اندرونی پاکیزگی ہوتی ہے ۔

ہندومت ایک آریائی مذہب ہے،بلکہ خود ہندوعلما بھی اسکو مذہب نہیں بلکہ "ویدک مت" کہتے ہیں جیسا کہ مفکرین نے مذہب کی جو تعریفات پیش کی ہیں،اسکے مطابق بھی اس میں کافی حد تک مذہب کے عناصر پاۓ جاتے ہیں ۔

معروف فرانسیی مفکر ڈاکڑ لیبان کا کہنا ہے کہ ہندو علماء نے تین ہزار سال میں جو تہذیبی ادب تخلیق کیا وہی انکا مذہب ہے ۔

وید کا مصدر "ود" ہے جس کا مطلب ہے غوروفکر کرنا،گیان یا تعلیم حاصل کرنا ۔

ہندومت کا بنیاد ویدوں پر ہے یعنی مختلف ایسے موضوعات جو کسی نہ کسی خاص علم کے متعلق ہوں،ان میں مشہور ترین "وید" رگ وید ہے جس میں کائنات کی تخلیق کرنے والے کے حوالے سے دیوتاؤں کی تعریف اور بزرگی کے گیت ہیں- اسکے علاوہ یجروید،سام وید،اتھروید ہیں ان ویدوں کے حوالے سے تمام "علم و برکت" کے مالک صرف برہمن ہیں ۔

اسکے علاوہ "رامائن"،"گیتا" اور "مہا بھارت" جیسی کتابوں کو بھی مذہبی کتابیں تسلیم کیا جاتا ہے ۔

اپنشد دراصل مختلف ویدوں کی تشریح و تعبیر کا نام ہے ان میں شنکراچاریہ اپنشد،ویشکا اپنشد وغیرہ زیادہ معروف ہیں ۔

وید

ویدوں کو 1200 قبل مسیح کے بعد کئی صدیوں تک مرتب کیا جاتا رہا- وید کا مطلب ہے "مقدس علم"- ویدوں کے متعلق کہا جاتا ہے کہ ویدوں کے علم کی بنیاد دیوتا عظیم اور ہندورشیوں کے درمیان بلاواسطہ رابطے سے وجود میں آنے والے علم کا نام ہے ۔

قدیم ترین اور مقبول ترین وید کا نام "وگ وید" ہے- اس میں ایک ہزار سے زائد `بھجن` ہیں ۔

ان بھجنوں میں "دیوتا عظیم" کو مختلف شکلوں میں بیان کرکے مخاطب کیا گیا ہے ۔

ا ن بھجنوں کو دیوتاؤں کی پوجا کے لیے گایا جاتا ہے- لفظ "رگ" کا مطلب ہے کہ پرومت جو منتر پڑھتا ہے- یہ منتر صرف پروہت ہی پڑھ سکتا ہے ۔

اسکے علاوہ "اتھروید"،"سمادھی" ذات کے لیے ہر کوئی استعمال کر سکتا ہے ۔