زندگی کی بارہ دولتیں

مجھے یقین ہے کہ آپ دوسرے تمام لوگوں کی طرح زندگی کی تمام خوشیاں اور آسائشیں حاصل کرنے کے خواہشمند ہونگے- یہ بات ایک فطری عمل ہے- آپ معاشی تحفظ چاہتے ہونگے،جو صرف دولت مہیا کر سکتی ہے- یہ بھی ہو سکتا ہے کہ اپنی صلاحیتوں کو بروۓ کار لاتے ہوۓ آپ خود اپنی دولت پیدا کرنا چاہتے ہوں ۔

کچھ لوگ ایسے بھی ہیں جو دولت پیدا کرنے کے آسان راستوں کی تلاش میں رہتے ہیں- وہ چاہتے ہیں ہم کچھ نہ کریں اور ہمیں دولت حاصل ہو جاۓ- یہ بھی ایک فطری خواہش ہے- لیکن میں نے زندگی میں اپنے تجربے سے جو کچھ حاصل کیا ہے،شائد آپ کے لیے بھی فائدہ مند ثابت ہو سکے،وہ یہ ہے کہ بغیر قربانی یا محنت کے کچھ بھی حاصل نہیں کیا جا سکتا ۔

لیکن دولت حاصل کرنے کا ایک یقینی راستہ موجود ہے اور اسکا علم صرف اس شخص کو ہوتا ہے جس کے پاس `ماسٹر چابی` موجود ہوتی ہے- یہ `ماسٹر چابی` ایک حیرت انگیز چیز ہے- جن کے پاس یہ موجود ہوتی ہے وہ اپنے مسائل کے حل کے لیے اسکو ہر بند دروازہ کھولنے کے لیے استعمال کر سکتے ہیں ۔

یہ عمدہ اور اچھی صحت کا دروازہ کھول دیتی ہے ۔

یہ عشق و محبت کا دروازہ کھول دیتی ہے ۔

آٹھ شہزادے

آپ ان شہزادوں کو کسی بھی دوسرے نام سے جو آپ پسند کریں پکار سکتے ہیں- ناصح `مشیر` سرپرست یا نیک ارواح جو چاہیں کہہ سکتے ہیں ۔

جو بھی نام ہو شہزادے اس طریقے سے میرا کام کرتے ہیں جو سادہ اور قابل عمل ہے ۔

ہر رات دن کی سرگرمیوں کے اختتام پر شہزادے اور میں ایک گول میز کانفرنس کرتے ہیں- اسکا اصل مقصد یہ ہوتا ہے کہ دن بھر انھوں نے جو میری خدمات انجام دی ہوتی ہیں انکا شکریہ ادا کر سکوں اور اسطرح انکے ساتھ اپنے تعلقات کو مزید مضبوط بنا سکوں ۔

یہ کانفرنس ٹھیک اسطرح باری رہتی ہے گویا کہ یہ شہزادے اپنے حقیقی گوشت پوست کے وجود کے ساتھ موجود ہیں- یہ اپنے تصور کی قوت سے رابطہ قائم کرتے ہوۓ سوچ بچار،نظر ثانی اور شکریہ ادا کرنے کا وقت ہوتا ہے ۔