تعلیم مغربی ہے بہت جرات آفریں

پہلا سبق ہے،بیٹھ کے کالج میں مار ڈینگ

بستے ہیں ہند میں جو خریدار ہے فقط

آغا بھی لے کے آتےہیں اپنے وطن سے ہینگ

میرا یہ حال،بوٹ کی ٹو چاٹتا ہوں میں

انکا یہ حکم،دیکھ!مرے فرش پر نہ رینگ

کہنے لگے کہ اونٹ ہے بھدا سا جانور!

اچھی ہے گاۓ رکھتی ہے کیا نوکدار سینگ

تہذیب کے مریض کو گولی سے فائدہ

دفع مرض کے واسطے پل پیش کیجۓ

تھے وہ بھی دن کہ خدمت استاد کے عوض

دل چاہتا تھا ہدیہ دل پیش کیجۓ

بدلا زمانہ ایسا کہ لڑکا پس از سبق

کہتا ہے ماسڑ سے کہ بل پیش کیجۓ