دواؤں کی افادیت کے بارے میں تصورات اور اوہام کی پیروی کی جاتی ہے ۔ ان کے حقیقی اثرات سے آج کا معالج نا واقف ہے اس کے باوجود دوائيں دی جارہی ہیں۔ اس کے لۓ دواؤں کے مرکبات استعمال میں لاۓ جارہے ہیں ۔ اس طرح علاج میں تک بندی کا راج ہے ۔ بیماریوں کی خصوصی علامات اور آثار پر تحقیق نہيں کی جاتی ۔ اس کے برعکس بیماریوں کی مصنوعی شکلوں اور ناموں کو اہمیت دی جاتی ہے۔ یہ مکمل طور پر غیر فطری طریقہ ہے  اس سے مرکبات میں شامل دواؤں کے انفرادی خواص کے بارے میں کچھ علم نہيں ہوسکتا۔

دواؤں اور علاج کے بارے میں حقیقی علم اس وقت سامنے آۓ گا جب علاج میں منفرددواؤں پر انحصار کیا جاۓ گا۔ اس کے لیے رائج طریقہ ترک کرنا پڑے گا۔ معالج مرض کی تمام علامات کی جستجو کریں گۓ۔ واحد دوائی کو تجویز کے لۓ چنا جاۓ گا۔ اس کے حقیقی اثرات پہلے ہی سے معلوم ہوچکے ہوں گے۔ دوا اور بیمار کی علامات میں مشابہت کو بنیاد کے طور پر تسلیم کر لیا جاۓ گا۔

آئندہ صفحات میں بہت سی علامات مریضوں کے مشاہدات پر مبنی ہيں۔ یہ مزمن امراض میں مبتلا تھے ۔ ان کی علامات واضح اور صاف تھیں۔ وہ کسی تازہ دوا کی پیدا کردہ نہيں تھیں۔ مریضوں کے یہ مشاہدات بہت اہم ہیں صحت مند افراد پر کۓ گۓ تجربات کو ان مشاہدات سے تقویت ہوتی ہے۔