ہم نے یہ کتاب والدین کی حیثیت سے اور والدین کے لۓ لکھی ہے  اس میں ہم نے والدین پر اعتماد ظاہر کرتے ہوۓ اپنے اس یقین کااظہار کیاہے  کہ آج کل علم و فہم حاصل کرنے کی جو سہولتیں حاصل ہیں ان کی مدد سے والدین اپنے بچوں کو اعلی اور صحت مند شخصیتیں تعمیر کرنے میں مدد دے سکتے ہيں ۔ اتنی اور ایسی سہولتیں کسی زمانہ میں بھی والدین کو حاصل نہ تھیں۔ 

آج کل ہمارے ملک میں بچے اور نوجوان بڑی کثرت سے غیرسماجی تخریبی افعال کے مرتکب ہورہے ہیں ان جرائم کی طبی صحافتی اور دوسری رپورٹوں نے ہمیں بھی دوسرے والدین کی طرح پریشان کر دیا ہے  ان رپورٹوں سے معلوم ہوتاہے کہ بچوں کے اس طرح بگڑنے کے باعث انسانی ترقی کو بہت بڑا نقصان پہنچ رہاہے  مطلب یہ کہ غلط تعلیم وتربیت کے باعث کتنے ہی ایسے بچو کی زندگیاں تباہ و برباد ہورہی ہیں جن میں کسی وقت نہایت اچھی صلاحیتیں تھیں۔