مراکش کی ماہر عمرانیات اورحقوق نسواں کی معروف علمبر دار فاطمہ مرنیسی 1940 میں فیض  کے ایک متوسطہ درجہ کے گھرانے میں پیداہوئیں ۔ رباط کی محمد پنجم یونیورسٹی سے تعلیم پانے کے بعد کچھ عرصہ پیرس میں مقیم اور شعبہ صحافت سےوابستہ رہيں ۔ پھر امریکہ میں اپنے تعلیمی سلسلہ کو آکے بڑھاتےہوۓ برینڈیڑ  یونیورسٹی سے ڈاکڑیٹ کی ڈگری حاصل کی ۔ مراکش واپسی پرمحمد پنجم یونیورسٹی کے شعبہ عمرانیات سے وابستہ ہوگئیں ۔ آج کل مراکشی یونیورسٹیوں کے اشتراک سے چلنے والوے سائنسی تحقیق کے ایک ادارے میں تحقیق  کر رہی ہیں۔ 

مرنیسی نے جنسی نظریے صنفی تشخص معاشرتی سیاسی تنظیم  اور اسلام میں عورت کے مقام کے مابین پاۓ جانے والے تعلق کو کھنگالاہے ۔ تاہم ان کی توجہ کا اصل مرکز مراکشی تمدن اورمعاشرہ ہے ۔ مرنیسی نےمسلم عورت کے استحصال کے ذمہ دار سیاسی اورنظریاتی نظام کو سامنے لانے کی کو شش کی ہے ۔ اس مقصد کےلۓ ان کی حکمت عملی دومتواوی کوششوں پر مشتمل ہے۔