خالق کاءنات نے آدم کو مٹی سے پیدا کرنے کے بعد اسے علم و دانش سے بہرہ ور کر کے اشرف المخلوقات کے منصب پر فاءز کیا تو اس کی فطرت میں ایک عنصر "حرکت " کا بھی ڈھال دیا کہ اسے پارے کی طرح روز اول ہی سے ایک حالت میں قرار نہیں، اور وہ مسلسل حرکت میں، پیہم سفر میں ہے۔ 

یعنی زندگی نام ہی سفر کا ہے، اور دیکھۓ تو موت اسی کا دوسرا پہلو ہے، یعنی ایک حالت سے دوسری حالت سے دوسری حالت  کی طرف اور عارضی  سے مستقل یا خلود کی طرف رحلت۔ ایک اور سطح پر علم و آگہی کے باوجود آدمی خطا کا مرتکب ہو کر جنت سے پستی کی طرف سفر کناںہوا تو سفر معراج بھی اس کی دسترس سے باہر نہیںرہا ۔ موسی آگ کی تلاش میں نکلے اور  ہدایت و نور سے سرفراز ہوۓ۔